«коррупцияга қарши курашиш» тегли мақолалар
Ўзбекистонда 500 нафар раҳбар шахсларнинг коррупцияга мойиллиги даражаси баҳоланади
Раҳбар кадрларни баҳолаш марказида 500 нафар раҳбарлик лавозимларда ишлаётганларнинг коррупцияга мойиллиги даражаси баҳоланиши режалаштирилган. Бундан ташқари, БМТ Коррупцияга қарши конвенцияси, халқаро ташкилотлар томонидан билдирилган тавсияларни бажарилиши мониторинг қилинади.
«Одамлар учун маълумотларнинг очиқ бўлиши жуда муҳим» — Акико Фужии коррупцияга қарши курашиш ҳақида
БМТ Тараққиёт дастурининг Ўзбекистондаги доимий вакили Акико Фужиига кўра, Ўзбекистон ҳукумати коррупцияга қарши курашишда далилларга асосланиб иш юритишга ўтиши лозим. «Одамлар учун маълумотларнинг очиқлигини таъминлаш ва жамиятдаги шаффофликни яхшилаш жуда муҳимдир», — деди у.
Ўзбекистонликлар 2024 йилда коррупцияга қарши қаттиқ кураш, барқарор энергия таъминоти ва таълим яхшиланишини кутмоқда — сўровнома
Фаол ўзбекистонликлардан 2023 йилда Ўзбекистонда содир бўлган ўзгаришлар, янги йил учун кутилмалари ҳақида сўралди. Асосий ўзгаришлар: янгиланган Конституция, аёллар ва болаларни зўравонликдан ҳимоя қилиш тўғрисидаги қонун, Ижтимоий ҳимоя миллий агентлиги. Асосий кутилма — коррупцияга қарши кураш.
Президент — коррупция ва бошқа жиноятлар учун ҳибсга олиш ҳолатлари ҳақида
Шавкат Мирзиёев коррупция жиноятлари учун мансабдор шахсларнинг ҳибсга олиниши ва жиноий гуруҳлар вакилларига қарши ўтказилаётган рейдлар бўйича изоҳ берди. «Биз бунга ҳеч қачон жим қараб туролмаймиз», — деди у.
Тошкентда коррупцияга қарши курашни ифодаловчи монумент очилди
Ўзбекистон президенти ва Қатар амири коррупцияга қарши курашни ифодаловчи монументини очиб берди. «Қўл кўринишида композиция ҳалоллик, пок амал ва ниятларни, коррупцияга нисбатан тоқатсизликни, дунёнинг барча мамлакатларини унга қарши курашишда бирлашишга чақириқни англатади», — дейилади хабарда.
Қатар амири Ўзбекистонга келади
19 декабрь куни Коррупцияга қарши курашиш соҳасидаги халқаро мукофотни топшириш маросимида қатнашиш учун Қатар амири Тошкентга келади. Ташриф доирасида олий даражадаги музокаралар ҳам бўлади.
Тошкентда Қатар амири таъсис этган коррупцияга қарши курашиш бўйича глобал мукофотнинг топшириш маросими ўтказилади
Йил охирида Тошкент шаҳрида Қатар амири таъсис этган коррупцияга қарши курашиш бўйича глобал мукофотнинг топшириш маросими ўтказилади. Унда Қатар давлатининг раҳбарияти ҳам иштирок этиши кутилмоқда.
24 та давлат ташкилотининг коррупцияга қарши курашиш ишлари самарадорлиги баҳоланди
Эксперимент тариқасида 24 та давлат ташкилотининг коррупцияга қарши курашиш ишлари самарадорлиги баҳоланди. Рейтинг натижасига кўра, Божхона қўмитаси фаолияти «яхши», Адлия вазирлиги ва пойтахт ҳокимлиги фаолияти «қониқарли», ХТВ, ССВ, Қурилиш, Молия вазирликлариники эса «қониқарсиз» деб топилди.
Камбағаллик ва коррупцияни қисқартириш борасида Хитой тажрибаси ўрганилади
Ўзбекистон президенти ва ХХР раисининг Пекиндаги учрашувида камбағалликка ва коррупцияга қарши курашиш борасида Хитой тажрибасини ўрганиш ва жорий қилиш бўйича қўшма чора-тадбирларни амалга оширишга келишиб олинди. Томонлар беш йиллик Савдо-иқтисодий ва инвестициявий ҳамкорлик дастурини ҳам имзолади.
13 январь куни Ўзбекистонда содир бўлган энг муҳим хабарлар дайжести
Александр Лукашенконинг сўзларига жавоб қайтарган Шавкат Мирзиёев, Мудофаани бошқариш миллий маркази очилгани, қурол ёрдамида тўхтатилган Malibu бўйича қўшимча маълумот, пойтахтда портлатилган «ўт ўчиргич» бўйича 13 кишига қўйилган айблов, Марокаш шартномасига қўшилган Ўзбекистон, ҳокимларнинг кенгаш раиси мақоми бекор қилинмаганига изоҳ берган Сенат ва бошқа хабарлар «Газета.uz» нинг 13 январдаги энг муҳим хабарлари дайжестида.
Давлат ташкилотларида коррупцияга қарши курашиш бўйича рейтинг жорий қилинади
1 февралдан бошлаб 26 та давлат ташкилот ва органларида коррупцияга қарши курашиш ишларининг самарадорлигини баҳоловчи рейтинг жорий қилинади. Рўйхатдан 11 та вазирлик, 4 та давлат қўмитаси, 7 та агентлик ва 4 та ҳокимият ўрин олган ва уларнинг фаолияти 5 та индикатор асосида баҳоланади. 1 июлдан эса рейтинг барча давлат ташкилотларида жорий қилинади.
БМТ раҳбари: порахўр амалдорларнинг очкўзлиги ҳаммага зарар етказади
Коррупция одамларнинг раҳбарлар ва муассасаларга бўлган ишончини сусайтиради, тенгсизликни кучайтиради ва барчага зарар етказади, дея таъкидлади БМТ бош котиби Мисрда коррупцияга қарши кураш бўйича Бутунжаҳон конференцияси иштирокчиларига мурожаатида. Форумда Ўзбекистон делегацияси ҳам иштирок этмоқда.
«Агрессив кадр сиёсатини юритиш керак» — Русланбек Давлетов коррупцияга қарши курашиш ҳақида
Адлия вазири Русланбек Давлетов коррупцияни кескин камайтиришда бирёқлама ёндашув, жумладан, фақат ўлим жазосини жорий қилиш ёки фақат диний таълимни кучайтириш билан иш битмаслигини таъкидлади. Вазирнинг фикрича, муаммони ҳал этиш учун комплекс ёндашиш, «агрессив кадр сиёсатини юритиш керак».
«Коррупцияга қарши бутун жамоатчилик билан курашишимиз зарур» — Шавкат Мирзиёев
ЎзЛиДеПдан президентликка номзод Шавкат Мирзиёев ажратилаётган пулларни адолатли ишлатилиши учун жамоатчилик назорати кераклигини таъкидлади. «Чунки коррупция йўқ десак ёлғон бўлади, коррупция ичимизда юрибди. Коррупцияга қарши бутун жамоатчилик билан курашишимиз зарур», — деди у.
Самарқанддаги тиббиёт муассасалари дори воситаларини 5,6 млрд сўм қимматроққа харид қилгани аниқланди
Коррупцияга қарши курашиш агентлиги Самарқанд вилоятидаги тиббиёт муассасалари муқобил тижорат таклифлари мавжуд бўлгани ҳолда, 14,9 млрд сўмга, яъни 5 млрд 643 миллион сўм қимматроққа дори воситалари харид қилганини аниқлади. «Ўзлаштириш ёки растрата йўли билан талон-торож қилиш» моддаси бўйича жиноят иши қўзғатилди.
Коррупцияда айбдор деб топилганлар очиқ электрон реестрига киритилади
Президент фармони билан коррупцияга оид жиноятларни содир этишда айбдор деб топилганларнинг очиқ электрон реестри юритилиши йўлга қўйилади. Ушбу рўйхатга киритилганлар давлат хизматига қабул қилиниши ва давлат мукофотлари билан тақдирланиши, тадбиркорлиги давлат харидларида иштирокчи (ижрочи) сифатида қатнашиши тақиқланади.
«Ота-оналарини киритсак ҳам, давлат хизматчилари „тирқиш“ топади». Акмал Бурхонов — декларациялаш тизими ҳақида
Коррупцияга қарши курашиш агентлиги директори Акмал Бурхонов даромад ва мол-мулкларни мажбурий декларация қилиш тизими нима учун давлат хизматчилари, уларнинг турмуш ўртоқлари ва вояга етмаган фарзандларини қамраб олиш билан чекланаётгани, бошқа қариндошлари ҳозирча ҳисобга олинмаётганига изоҳ берди. У тизим нима сабабдан давлат хизматчиларининг харажатларини ҳисобга олмаслиги ҳақида ҳам тўхталиб ўтди.
Идоравий норматив ҳуқуқий ҳужжатларни тайёрлаш ва қабул қилиш қоидалари ўзгарди
Идоравий норматив ҳуқуқий ҳужжатларни тайёрлаш ва қабул қилиш қоидаларига ўзгартишлар киритилди. Эндиликда ҳужжатлар лойиҳасининг коррупцияга қарши экспертизаси натижалари юзасидан коррупциявий омилларни аниқлаш бўйича чеклист тўлдирилади, бир нечта идоралар фаолиятига тааллуқли НҲҲ лойиҳаси эса улар ўртасида ягона электрон тизим орқали келишилади.
Ерни ноқонуний ажратишга қарши чиққан депутат дахлсизлик ҳуқуқидан маҳрум қилинди
Ноқонуний равишда ер участкалари ажратиш ва шаҳар ҳокимининг қарорларига қарши чиқиб келаётган Андижон шаҳар кенгаши депутати Шуҳратбек Каримов прокурор таклифи билан дахлсизлик ҳуқуқидан маҳрум этилди. Бунга ушбу депутат таъсисчи бўлган компанияга қарши жиноий иш сабаб бўлган. Коррупцияга қарши кураш агентлиги ва жамоатчилик депутатни қўллаб-қувватладилар. Сенат комиссияси вазиятни ўрганмоқда.
Шавкат Мирзиёев шу ҳафта коррупцияга қарши курашиш масалалари бўйича видеоселектор ўтказади
Президент Шавкат Мирзиёевнинг шу ҳафта коррупцияга қарши курашиш масалалари бўйича видеоселектори ўтказилиши режалаштирилмоқда. Бундан ташқари, Токио Олимпиадасига спортчиларни тайёрлаш масалалари бўйича йиғилиш бўлиши кўзда тутилган.
Энг кўп ўқилган хабарлар | Сўнгги янгиликлар
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Қурилиш вазирлиги «халқ томонидан тан олиниб келинаётган» УЖМШлар ишига аралашганлик учун жавобгарлик билан таҳдид қилди
- Ўзбекистонда метан заправкаларга газ етказиб бериш вақтинча чекланди
- Зеленский АҚШ билан фойдали қазилмалар бўйича шартнома имзолашдан бош тортди — WP
- Пенсияни автоматик — аризасиз тайинлаш режалаштирилмоқда
Қўшимча имкониятлардан фойдаланиш учун сайтда рўйхатдан ўтинг